Í Bjarkarhlíð er veitt ráðgjöf og stuðningur en meðal þeirra sem koma að þjónustu við þolendur eru:


ragnalitil.jpg

Ragna björg guðbrandsdóttir

er verkefnastjóri Bjarkarhlíðar en hún er félagsráðgjafi að mennt. Ragna Björg tók fyrst BA gráðu í sálfræði við Háskóla Íslands en lauk mastersnámi í félagsráðgjöf við háskóla í Washington í Bandaríkjunum.

Ragna hefur langa reynslu af því að starfa með þolendum ofbeldis.  Síðustu þrjú ár hefur hún starfað í Kaupmannahöfn með samtökunum Reden International  þar sem unnið er með þolendur mansals á skaðaminnkandi hátt.  Auk Kaupmannahafnar hefur hún starfað í Barnahúsi, hjá Barnaverndarstofu og hún er meðal þeirra sem tóku þátt í að móta starf Stígamóta. Ragna þekkir vel þverfaglega samvinnu og hún hefur áður unnið verkefni í samstarfi við lögregluna á höfuðborgarsvæðinu.

Ragna hefur áhuga á að vinna með þolendum ofbeldis á þeirra forsendum og senda þau skilaboð til samfélagsins að ofbeldi sé ekki liðið.

 

 

hafdis2.jpg

hafdís inga hinriksdóttir

félagsráðgjafi MA, er meðal sérfræðinga Bjarkarhlíðar. Hún hefur sérhæft sig í áfallafræðum og nemur handleiðslu í handleiðslufræðum við Hí samhliða vinnu.

Hafdís hefur reynslu af því að starfa með þolendum ofbeldis á öllum aldri en hún hefur starfað að málefnum utangarðsfólks, barna og ungmenna og fullorðinna þar sem löng áfallasaga og ofbeldi hefur komið við sögu.

Hafdís leggur áherslu á að vinna með þolendum ofbeldis á þeirra forsendum og jafnframt koma þeim skilaboðum til samfélagsins að ofbeldi sé aldrei liðið.

 

 
Berglind.jpg

berglind eyjólfsdóttir

er rannsóknarlögreglukona með áratuga reynslu við rannsóknir ofbeldis og kynferðisbrota.

Berglind hóf störf hjá lögreglunni í Reykjavík 1978, fyrst í almennu deild lögreglu en hún hefur starfað við rannsóknir ofbeldisbrota í meira en tvo áratugi.
Hún hefur verið virk í tengslaneti lögreglukvenna á alþjóðavísu, sótt og staðið fyrir fjölda ráðstefna og námskeiða um kynbundið ofbeldi sérstaklega er snýr að heimilisofbeldi, kynferðisofbeldi og mansali.

Bergind var í ráðherraskipuðu teymi um aðgerðir gegn mansali frá 2009 til 2012. Hún er tengiliður lögreglu við kvennaathvarfið auk þess að vera tengiliður lögreglu við önnur frjáls félagasamtök og stofnanir. Áhugi Berglindar snýr að bættu samfélagi þar sem ofbeldi er ekki liðið.